Fəlsəfə və din arasında hansı fərqlər var? Bir fikrin iman, inanc sahəsində sayılması hansı halda mümkündü? Dinin sərhədlərini müəyyən etmək üçün imanın da legitimlik sərhədlərinə baxmalıyıq. Mənim inancıma görə, qadınlar kişilərdən daha az zəkaya sahibdi, buna görə kişilərə daha çox haqq verilməlidi - bəyanı inanc sferasına girirmi? Mənim inancıma görə, bütün qadınlar örtünməlidi - bəyanı bəs? Mən Tanrıya inanıram - bəyanı necə? Dini bilgi ilə elmi və ya fəlsəfi bilgi qaynaqları, strukturları, məqsədləri baxımından fərqlənir. Hətta demək olar ki, dində elm və fəlsəfədə anlaşıldığı mə’nada bir bilgidən söhbət gedə bilməz. Din - insan həyatını onun yaşadığı kainatla müəyyən qədər qaneedici və mə’nalı bir əlaqəyə daxil etmə cəhdi və insan fəaliyyətlərinin idarəsində müdriklik təmin etmə təşəbbüsüdü. Amma din bunu intellektual plandan çox praktiki və emosional fazada reallaşdırmağa çalışır. Din insanın dünyanı bilmək ehtiyacından çox dünyaya və onu idarə edən prinsipə, Tanrıya, insa...