Elvin Jabizadeh

  Uşaqlar bizim gələcəyimizdir. Bu sözü bir güc fiqurunun işlətməsi nə qədər xoşməramlı görünsə də, bir o qədər təhdidkardır. Qafqazinfo yazır ki, Abşeron rayonu Masazır qəsəbəsində yerləşən 3 №-li tam orta məktəbdə şagirdlərin davranış və dərs nailiyyətlərinin sarı, qırmızı və yaşıl kartlarla qiymətləndirilməsi valideynlərin narazılığına səbəb olub. Sistem yeni yaradılıb, qırmızı vizual kart ən aşağı qiymətləndirmədir və üzərində bu sözlər yazılıb: “Sənin davranışın məktəb qaydalarına ciddi zidd olub. Bu kart intizam komissiyasında müzakirə olunacaq məsələdir. Unutma: səhv etmək insani haldır, amma onu təkrarlamamaq məsuliyyətli addımdır.” Məktəbi intizam məkanı kimi görmək lazımdır. Foucault deyir ki, məktəb sadə təhsil müəssisəsi deyil, gücün gündəlik, incə və çoxsaylı texnikalarla tətbiq olunduğu bir intizam məkanıdır. Güc - sirkulyasiyadadır ifadəsi məhz bu toru yaxşı aydınlaşdırır. Gücün müxtəlif intizam məkanlarında (məktəb, xəstəxana, həbsxana və s.) müxtəlif idarəetmə mex...

  Sosial-psixologiyanın təməl konseptlərindən olan ingroup (iç qrup) və outgroup (çöl qrup) yə’ni, Biz - Onlar ayrımı bir çox məsələləri anlamaq üçün çox vacib rola malikdir. Biz - Onlar psixologiyasının arxasındakı mexanizmləri açıqlayan iki təməl nəzəriyyə var: - Social Identity Theory (Sosial İdentifikasiya Nəzəriyyəsi) - Self-Categorization Theory (Self-Kateqorizasiya Nəzəriyyəsi) Henri Tajfel və John Turner tərəfindən inkişaf etdirilən Sosial İdentifikasiya Nəzəriyyəsi Self (Mənlik) konseptlərimizin çoxunun milli, etnik və ya peşə kimi sosial qruplara aidliyimizdən qaynaqlandığını iddia edir. Anlayış üç əsas prosesdən ibarətdir: 1) Sosial Kateqorizasiya: bu, dünyanı anlamaq üçün özümüzü və başqalarını qruplara böldüyümüz ilk addımdı. Bu sinifləndirmə Biz (azərbaycanlılar, sekulyarlar, rəssamalar, solçular və s.) və Onlar (ermənilər, dindarlar, yazıçılar, sağçılar) kimi qruplar yaradır. 2) Sosial İdentifikasiya: burada sinifləndirdiyimiz bir qrupa özümüzü aid hiss edirik ...

Gürcüstanda küçələr yenə etiraz aksiyaları ilə qaynayır, polislə etirazçılar arasında toqquşmalar olub, müxalif liderlər saxlanılıb və baş nazir Irakli Kobakhidze xarici xüsusi xidmət orqanlarını günahlandırıb. Sosial şəbəkələrin Azərbaycan seqmentində müzakirələrə baxanda elə mənzərə yaranır ki, sanki bütün hadisələr Qərb-Rusiya qarşıdurması çərçivəsində baş verir. Əlbəttə, məsələnin geosiyasi freymi də müzakirəyə layiqdi amma bu gün niyə onun dominant olduğunu sorğulamağa çalışıram. İddiam ondan ibarətdir ki, bu, Azərbaycan hakimiyyətinin illərdir davam edən ideoloji təbliğatının uğurudu. Başlayaq ondan ki, cahilliyin ən ba’riz simptomu - Bəsitləşdirmədi. İnsanlar mürəkkəb konfliktlər, məsələlərlə bağlı dərhal, ani, qısa cavablar istəyir və gözləyirlər. Heç də hamı onlarla mənbə axtarıb, təfərrüat öyrənməyə vaxt sərf etmək istəmir. Sosial media da qısa, emosional mesajları sürətlə yayıb gücləndirir. Sadələşdirilmiş freymlər, məsələn, Qərbin adamları viral olur, kompleks izahatlar isə...