Elvin Jabizadeh

  Alejandro González Iñárritu - Ağrıların rejissoru Alejandro González Iñárritu çəkdiyi filmlərdə insan ağrıları, "normal olmayan" həyat tərzi və fərqli yerlərdə eyni emosiyaları paylaşan hekayələrin uzlaşmasına diqqət çəkir. Bunu rejissorun əsas xarakteristik özəlliyi də saymaq olar. Bu qısa yazıda müəllifin bioqrafiyasına nəzər salacağıq. Alejandro González Iñárritu kimdir? Iñárritu 15 avqust 1963-cü ildə, Meksika paytaxtında anadan olub. Bankir atası, Iñárritu 5 yaşında olanda müflisləşir. Kasıblıq onun təhsilinə də mane olur, 16-17 yaşlı Alejandro pis qiymət və davranışlarına görə məktəbdən qovulur. 16-18 yaş aralığında gəmidə işə başlayır, Avropaya, Afrikaya səyahət edir. Özünün də dediyinə görə, bu səyahət onun yaradıcılığına çox böyük təsir göstərib. Geri qayıdandan sonra kommunikasiya üzrə universitet təhsili də ala bilib. Karyerasına 1984-cü ildə radio aparıcı kimi başlayır. Bu müddətdə Robert Plant, David Gilmour, Elton John, Bob Geldof və Carlos Santana kimi adamla...

  - Film təklifləri arasında necə seçim edirsiz? Prioritetləriniz nədir? - Özümü təkrarlamamağa çalışaraq. Bu tələyə düşməmək üçün gənc yaşlarımdan əlimdən gələni etmişəm. Həm izləyici üçün sıxıcı olmaq təhlükəsi var, həm də, daha vacibi, özüm bezirəm. Setdən bezən aktyor, təsəvvür edin. Eyni hərəkəti neçə dəfə oynaya bilərsiz? Bezmək ən bərbad şeydi aktyorluqda, məncə, həyəcanınız olmasa, məhv olarsız. Həm də, illah ki, işləmək məcburiyyətim yoxdu artıq. - Aktyorluqda nələr önəmlidir sizin üçün? - Maraq, həyacan, hazırlıq, disiplin kimi şeyləri saya bilərəm, amma sevərək etmək istədiyiniz bir şey olmalıdı, maraqlı olması da önəmlidi… Sıxıcılıq, sevgisizlik, ortabablıq öldürücü şeylərdi. Həyatda da elə deyilmi? - Ssenarilər o qədər təkrarçı olub? - Mənə gələn əksər ssenarilərdə oxşar qoca adam hekayələri var. Bu da, əsasən, ssenarinin yarısında ölməyiniz və acınacaqlı bir vida ilə yas mərasiminizin olması deməkdi. Kimlərinsə babası olaraq ürəkləri ovudacaq bir hekayəyə material ol...

  Bu gün fərqli sosial mövzuları müxtəlif janrların miksində işləyən bir filmdən danışırıq - Mati Diopun Atlantique (Atlantics) filmi Mati Diop kimdir? Əvvəlcə aktrisa-rejissor Mati Diop haqqında. O, 1982-ci ildə Fransada, Seneqal əsilli ailədə dünyaya gəlib. 2019-cu ildə Diop Cannes festivalının əsas mükafatı üçün yarışan ilk qaradərili qadın rejissor oldu. Bu, heç də xoş bir qeyd olmasa da, festivallardakı gender və irqi bərabərsizliyi göstərmək üçün yaxşı örnək sayıla bilər. Rejissor özü də bu formada - qaradərili kimi etiketlənməni doğru saymır. “Fransada belə bir şey yoxdu. Biz sadəcə fransız qadın adlanırıq. Amma Amerikada mən öyrəndim ki, belə adlandırmalar var. Qaradərili olmaq mənim hər səhər oyananda düşündüyüm bir şey deyil. Mən özümü qara və ya ağ kimi görmürəm”. 72-ci Cannes film festivalında Atlantique rejissoruna Grand Prix mükafatını qazandırdı. Mati Diop rejissor debütünü 2004-cü ildə Las Nayt filmi ilə edib. Aktrisa kimi də müxtəlif filmlərdə rollar alıb. Çəkiliş ...

  Azərbaycanda PTSD, PSP və ya PTSP - posttravmatik stress pozuntusu haqqında son vaxtlar daha çox danışılmasının səbəbi açıqdı: müharibədən yeni çıxmış cəmiyyət olaraq, bu hallarla rastlaşma tezliyimiz dəyişib. Yəqin ki, belə hekayələri çox eşidirsiz: Müharibə görmüş əsgərin kibritlə siqareti yandırılanda qəfil davranış dəyişikliyi, yuxuda sayıqlaması, fləşbəklər, kabuslar yaşaması, daimi ölüm təhlükəsi hiss etməsi və ətrafı təhlükə kimi xarakterizə etməsi… Bioloji varlıq olaraq ən böyük hədəfimiz sağ qalmaqdı və bunun üçün təhlükələrdən qaçmalıyıq… Meşədə qəfil bir ayı ilə rastlaşanda bədənin avtoreakisyası olan - döyüş-qaç-don aktivləşir və biz seçim edirik. PTSD-si olanlarda isə bu reaksiya əsasən pozulur. Hətta real təhlükə olmayanda belə DQD reaksiyası aktivləşir. Amma bu problemlərlə təkcə müharibə qurbanları rastlaşmır. PTSD - Post-traumatic stress disorder PTSP, PSP - Posttravmatik stress pozuntusu birbaşa təcrübə və ya şahidlik edilmiş dəhşətli hadisələrdən qaynaqlanan p...